Мақсаты:Бұл жоба БҚУ сайтының тиімділігін арттыру және студенттердің оны пайдалану белсенділігін көбейту мақсатында Telegram-бот құруды көздейді. Бот арқылы сайттағы ақпаратты жылдам және қолжетімді етіп студенттерге ұсыну, сайтқа жарнама жасау және оны ыңғайлы ету жоспарлануда. Жобаның мақсаты – сайтты көбірек қолдануға ынталандыру, әсіресе жаңадан келген студенттер үшін бейімделуді жеңілдету.
Ғылыми маңызы:Жобаның ғылыми маңызы білім беру саласындағы цифрлық шешімдерді енгізудің маңыздылығынан туындайды. EdTech (білім беру технологиялары) саласындағы жаңа тәсілдер мен құралдар, мысалы Telegram-бот, студенттерге ыңғайлы және тиімді әдістер ұсыну арқылы білім алуды жақсартады. Бұл жоба университеттерде цифрлық білім беру платформаларын дамыту мен қолданудың оң әсерін зерттеуге және білім алу процесін оңтайландыруға бағытталған. Боттың енгізілуі ақпараттық қолжетімділікті арттырып, студенттерді қажетті білім ресурстарымен тиімді байланыстырады, ал бұл өз кезегінде оқу процесінің сапасын жақсартады.
